Journal Alissar – اليسار

ثائرة-بنّاءة-حرة

شعب الهداية

without comments

 

سهران ما عاد الغفا جاني
وطول السهر يا ناس أضناني
سهران اتذكر صدى النايات
و تلال فيها الحب رباني
سهران مع الآهات و النهدات
ملبك أنا بأفكار حيراني
كيف يلّي عمرو التلات
وعاشوا سوا بأيام تعباني
كيف يلّي زينو السحات
وتلوالليالي عياد وغناني
كيف يلّي دللوا الزرعات
وخلّوا الأرض بالخير غرقاني
ما بينهن بيعوكرو النيات
بيتفرقو نانزال رباني
ألله يعث ع أرضنا هدايات
انجيل علمني و قرآن أهداني
و حمزة اجا تا يوحد ديانات
و بجكمتو بلورت وجداني
بايمانكن صلّو معي ركعات
و معكن أنا بصلّي بايماني
نصلّي لألله باعث الرحمات
يشفق و يرحم ناس غفياني
نامت على أمجاد و حكايات
وغطت بنوما و بعد خدراني
نصلّي بلكي بظل هالأرزات
بينما الوعي و بتزول أحزاني
لما الوعي بينما على الطرقات
بيوعى الضمير بأرض أوطاني
يلّا سوا يتشايكو الديات
ما علمت ع التفرقة دياني
بالطائفية ان تمت الغايات
ما تفكرو بمشروع عمراني
الطائفية علة العلات
أخطر مرض ملعون جواني
بالطائفية في خراب الذات
بتهدم المبني على الباني
بنور الهداية كشحو العتمات
و خلّو النهار يعدلنا ثاني
بريح المحبة بددو الغيمات
تتظل عنا الشمس حلياني
وتحلا ع أرض بلادنا الكرمات
عناقيدها بالحب حبلاني
تا نرد عن أولادنا الضربات
ويبقو مشاعل نور شعلاني
نحنا بعثنا ل الدني رسالات
فيها مخبي و نور عرفاني
نحنا كتبنتا للمجد صفحات
تاريخ عز بروح علياني
حاجي بقى نسبح بهالطلمات
حلّا الحقيقة نشوف عرياني
تا نضل ع مطل الني آيات
شعب الهداية شعب انساني

Written by Raja Mallak

October 19th, 2019 at 5:45 pm

Posted in Thoughtsِ

Leave a Reply