Journal Alissar – اليسار

ثائرة-بنّاءة-حرة

قصة الدوري

without comments

كان الدوري بالطاقة بأول ايام تشارين

عم بيفكر بطعامو بفصل الجايي يا مسكين

الصيف الماضي وأحلامو بساتينو وشمسو الحلوين

مرو بسرعة ايامو غمض عين وفتح عين

وتحت الطاقة خلف البيت على جنب السطيحة

عم يتسلو بالقمحات دجاجات الست زليخة

وديك معرم ع الزبلات الصيحة بيظهر الصيحة

وع أنغامو لدجاجات مبسوطين وسكرانين

بصياحو الديك المغرور فتح عين وهز شعور

الدوري القاعد بالطاقة يفكر بيحالو ومحصور

بفكرو ايام الفاقة العاشا محروم ومقهور

ونار الغيرة الحراقة حرقت صدرو ع الميلين

صار يبكي ودهرو يناجي انا ما كنت بحاجة

عند الست زليجة ان كنت ديك ولو حتى دجاجة

من ايدا بتطعمني الست حبوب القمح الوهاجة

ولا نكش بالثلج ان جعت وفتش ع شمال ويمين

قاعد بالزاوي ملهوف متل اللي ريشو منتوف

سمع زعقة غريبة وطل من الطاقة تيشوف

ام الرقة والهيبة بايدا ديكا ومكتوف

لقيت راسو عالعتبة وقصت عنقو بالسكين

جن الدوري وقلبو اهتز وكان راح من الطاقة يفز

لولا خوفو ع روحو من السكين بعنقو يغز

ديك مزهر وصياحو وايامو الحلوة والعز

عم بيخبط بجناحو ودجاجاتو حيرانين
هدّا من روعو شوية من هالفشلة القوية

وطلع حولو مرة وشاف الطاقة دار وعلية

شو عيشة قلة واجحاف ماحلا عيش الحرية

وقلبو بأكبر فرحة طاف ونزلو دموعو ع الخدين
ماحلا العيش بكرامة وجو الواسع قدامي

ماحلا الثلج وماحلا البرد ولو اشتد وحز عظامي

وحبة بنقيها من الجرد وعيش ومضي ايامي

حر- ولا تطعمني ايد وتسلطلي غراب البين

Written by Raja Mallak

September 13th, 2019 at 11:32 pm

Posted in Thoughtsِ

Leave a Reply