Journal Alissar – اليسار

ثائرة-بنّاءة-حرة

شعب الهداية

without comments

سهران ما عاد الغفا جاني
و طول السهر ياناس أضناني
سهران اتذكر صدى النايات
و تلال فيها الحب رباني
سهران مع الآهات والنهدات
ملبك أن بأفكار حيراني
كيف يللي عمروا التلات
و عاشوا سوا بأيام تعباني
كيف يللي زينوا الساحات
و تلّوا الليالي عياد وغناني
كيف يللي دللوا الزرعات
و خلّوا الأرض بالخير غرقاني
ما بينهن بيعوكرو النيات
بيتفرقوا بانزال رباني
الله بعث ع أرضنا هدايات
انجيل علمني وقرآن اهداني
و حمزة اجا تيوحد ديانات
و بحكمتوا بلورت وجداني
بايمانكن صلّوا معي ركعات
و معكن أنا بصلّي بايماني
نصلّي لألله باعث الرحمات
يشفق وير حم ناس غفياني
نامت على أوهام وحكايات
و غطت بنوما وبعد خدراني
نصلّي بلكي بظل هالأرزات
بينما الوعي وبتزول أحزاني
لمّا الوعي بينما على الطرقات
بيوعى الضمير بأرض أوطاني
يلّا سوا يتشابكو الديات
ما علمت ع التفرقة دياني
بالطائفية ان تمت الغايات
لا تفكروا بمشروع عمراني
الطائفية علة العلات
أخطر مرض ملعون جواني
بالطائفية في خراب الذات
بتهدم المبني على الباني
بنور الهداية كشحوا العتمات
وخلّوا النهار يعدلنا ثاني
بريح المحبة بددوا الغيمات
تتضل عنا الشمس حلياني
وتحلا ع أرض بلادنا الكرمات
عناقيدها بالحب حبلاني
ت نرد عن أولادنا الضربات
ويبقوا مشاعل نور شعلاني
نحنا بعثنا للدني رسالات
فيها محبة و نور عرفاني
نحنا كتبنا للمجد صفحات
تاريخ عز بروح علياني
حاجي بقا نسبح بهالظلمات
حلّا الحقيقة نشوف عرياني
ت نضل ع مطل الدني آيات
شعب الهداية شعب انساني……رجا

Written by Raja Mallak

September 24th, 2017 at 5:43 pm

Posted in Thoughtsِ

Leave a Reply