Journal Alissar – اليسار

ثائرة-بنّاءة-حرة

(Arabic) بمناسبة الثامن من تموز ذكرى استشهاد الزعيم سعادة

without comments

بذكرى الشهادة
بذكرى الشهادة والشهادة بجلها

بنادي ع روحك يا زعيمي وقلها
رفي على حدود الوهم في بلادنا
وتفقدي الأمة بمصابا وذلها –
فلسطين نقطة ارتكاز وجودنا
و مدمرة و البربري محتلها
و اسكندرونّا صار خلف حدودنا
مشتاق من صنين نسمة يشمها
وقبرص غريقة ببحرنا – وجرونا
بتسمع نداها عم تناجي أمها
ناطرة بلكي انجمعنا جهودنا
بتصير فيها  الأم ليها تضمها
ولبنان رغم جهادنا وصمودنا
باقي أسير الطائفية وسمها
و ماشي ع دربو عراقنا وصفوفنا
ما حققت جمع الأهالي ولمها
و ع الدرب صوب عمان زادوا سدودنا
و بالقرابي سام صفا عمها –
و الشام شالت بايام بعض همومنا
صار بدها مين يحمل همها
بذكرى الشهادة رافعين كفوفنا
نأدي التحية للكرامة و أهلها
ما بتدمع بجنب الضريح عيونّا
و الخوف والضربات آخرهمها
الحزن المعشعش في حنايا قلوبنا
خسرنا القيادة يا زعيمي وظلها
ما عاد عنا مين يضوي دروبنا
و لا عاد عنا مين يملي محلها
الّا رسالة قدستها نفوسنا
و مذيلة بختم الزعامة ودمها !

Written by Raja Mallak

July 6th, 2016 at 9:42 pm

Posted in Thoughtsِ

Leave a Reply