Journal Alissar – اليسار

ثائرة-بنّاءة-حرة

(Arabic) يا سورية

without comments

Logo of the Syrian Social Nationalist Party.svg

شفت الوحي حيران ب عينيي
وكان القلم سكران ب ايديي
ولما القلم فوق الورق مريت
اختلجت الورقة بحنية
وسالتها بالفكر ع السكيت
عن هالشعور اللي سرى فيي
تردد صداها من زوايا البيت
هيذي حكاية حب مسمية
لما بنفسك للشعر حنيت
تصورلك بقدرة الهية
لما بايدك هالقلم خطيت
وكتبت كلمة سورية عليي
يا سورية ع حبك تربيت
بحبك خلايا الجسم مبنية
من صدر امي حبك تغذيت
والتضحية تعلمت من بيي
وبأرض عالي مجدها اعتزيت
أرض الجنا بوحدة طبيعية
وياما ب هالاسم الحلو تغنيت
بتعجز بوصفو بيات شعرية
اسمك على مر الزمن حييت
مخطوت ع صفحة تاريخية
آشور-آشوريا- السيريا سورية
يا سورية كيف ما صليت
اسمك ع تم المجد غنية
بعد الصلا ياسورية حسيت
محمول فوق جناح حرية
بنسمات من تشريننا تعليت
حلقت عن صنيننا شوية
ع ربوع أحلا من الحلا طليت
جنات من قطعة سماوية
يا ريتنا يا سورية يا ريت
ع الصفا منصمم النية
هنيت نفسي بالوعي وهنيت
يللي وعي بأفكار قومية
حملت المبادي وسرت وتمنيت
ما يفرقونا حزاب دينية
ولا يفرقو بين الاهل ب شريط
ولا بيننا في حدود وهمية
هالأرض يللي ترابها حبيت
حبيت أهلا من حواليي
كفى يا شعبنا شرذمة وتفتيت
و تشريد بعد حروب أهلية
فيها الفتى المقدام صبّح ميت
صبّح شهيد غراض شخصية
وقال السياسي أمير الطايفة احتليت
كرسي الحكم و الناس ملهية
والمال ملو الخزاين و عبيت
منو خزانات بنوك دولية
براحة ضميري قال البري تعزيت
ما هرقت نقطة دم من خيي
يا شعبنا المسؤول يللي عطيت
بروح عالي و طيب نفسية
وجدت الحضارة والعلم و بنيت
و صيرتها نهضات كونية
معقول عن أمجادك تخليت
و ارتحت ل نير العبودية؟
ع نفسك و ع ارضك تعديت
قسمتها كيانات سياسية
والطائفية شعارها خليت
وزدت العداوة و الكراهية
متل دولاب الهوا صفيت
تبرم ع هبة ريح غربية
مهما كياناتك بهالأرض سميت
بتظلها أرض الالوهية
ومنظلنا فيها صحاب البيت
و ب عروقنا الدمات سورية

Written by Raja Mallak

November 15th, 2015 at 11:32 pm

Posted in Thoughtsِ

Leave a Reply